Четверг, 28.03.2024, 17:34 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Январь » 30 » РАЙОНАЗУЛ ТАРИХАЛДА ЗАНИ Ч1ВАЗЕ БАЙБИХЬИДАЛ.
13:33
РАЙОНАЗУЛ ТАРИХАЛДА ЗАНИ Ч1ВАЗЕ БАЙБИХЬИДАЛ.

Цодагьабго бат1ияб, х1алуцараб ах1вал-х1ал лъугьун буго республикаялъул маг1арул мац1алда хъвадарулел журналистазул сверуда ц1ияб соналъул байбихьудасан.

Щибха гьезие ккараб, сунца рах1ат хвезабураб гьаб заманалъул раг1ул устарлъиялъул вацлъиялъул, дир пишацоял гьалмагъзабазул?  Январалъул т1оцебесеб х1алт1ул къоялдего интернеталдаги цогидал социалиял сетаздаги т1адч1ун бицунеб буго Дагъистаналда цогояб информациялъулаб центр г1уц1и мурадалда муг1рузул районазул газетазда оптимизацияги гьабун, гьел маг1арулазул миллияб «Х1акъикъат» газеталде цолъизаризе  кколилан Журналистазул союзалъул председатель Г1али Камаловас муг1рузул районазул нухмалъулезе кьураб проект-предложениялъул.

Нижеца «Росдал зах1матчиялъул» коллективалъги гьоркьоб лъуна гьеб «къиматаб» проект. Лъик1аб х1алалъ ургъана, борцана, ц1ана гьелъул щибаб предложение, раг1и. Бит1ахъе ц1ияб соналъул, «сайгъатлъун» лъугьана  хъвадарулезе гьеб.

Вах1! Цох1о маг1арул газетал цойит1е к1ут1иялъдай Дагъистаналда информациялъул иш рук1алиде ккелеб, гьеч1ебдай гьелда нахъа цоги бат1ияб мурад? – ан бач1ана бот1ролъе т1оцебесеб пикру. Маг1арулазул эбелаб газеталде районкаби цолъизариялъул бицунелдаса таманал сонал руго Камаловасул. Жеги к1удияв Расул Х1амзатов ч1аго вук1аго гьесул пикру бук1ана Дагъистаналъул  хъвадарухъабиги литературиял журналалги жиндирго къайимлъиялде рачине. Амма г1акъилав Расулица гьелъие мустах1икъаб жавабги кьуна, ч1олеб бак1 Г1али Ах1мадовичасдаги бихьизабуна доб мехалъ.  Мун гьелъие жеги г1ун гьеч1о, дун к1одолъун вугоян абуна Расулица гьесда.

Щибаб муниципалитеталъул аслияб документ – Уставалда абулеб буго гуриш районалъул  администрациялъ г1уц1улин жиндирго печаталъул органилан. Республикаялъул х1укуматалъ г1уц1араб «Х1акъикъатги», гьелда рахъарал районазул официалиял документалги. Кинго бич1ч1уларо!?  Коммерциялъул рахъ босани, проекталда  ч1ах1иял меседил муг1рул руго бералги рац1инч1ого балагьарасе. Унго балагьун бихье, районазул бюджетазе ккезехъин бугеб «экономия»! Щибаб районалъухъа цо-цо  миллионги босун «Х1акъикъаталъ» к1иго гьумералъул приложениелъун рачазехъин руго 8 гьумералъул  районкаби. Цебе ч1езабе 16 гьумералда районалъул Устав  бахъараб «Росдал зах1матчиги» гьоркьоб  лъун 32 гьумералъул «Х1акъикъат»!

Редакциязул шататазул къисматалъул ургъелго  гьеч1о проекталъул  авторасе. Редакторги к1иго мухбирги гьенире ани, анкьго чи  кодоса чедги бахъун тезехъин вуго гурищ щибаб районалда, гьадингоги зах1матаб заманалда . Лъик1абго ц1уна-къай ккезехъин буго бюджеталъул г1арцуе.

Гьанже рач1инин подпискаялде «800 гъурщиде – к1иго газета  щвезехъин буго» - ян хъвалеб буго проекталда.Божизе  зах1матаб пикру. Редакциялдасан 200 гъурщиде  районка хъвазе  бахиллъулел ц1алдолез 800 гъурщиде «Х1акъикъатгун» гьеб хъвай  щакаб жо буго. Гъорлъе раккун лъик1го т1ад ургъани 800 гъурщидаги гьеб  ч1олеб батуларо, азаридаса инч1ого.

Литературияб куцалъ макъала къач1ай, газета лъут1и, ай верстка, гьеб кьабг1и ва заманалда райцентразде  щвезаби жидеца т1аде босулинги буго  гьениб. 17-18 азарго гъурущ моц1рое кьун тарав  х1албихьи  бугев мухбирас хъвараб макъала  бит1изабизейиш  кколеб? Гьединал учузал, лъавукъаллъунцин гурищ редакциязда ругел  мухбирзаби Журналисталъул цолъиялъул бет1ерасда рихьулел?  Бакьан гуро дирго зах1мат цогидасул кверзукьан бичазе.

Райцентралде щведал газетал рук1унеб  куцги бихьана.

«Х1акъикъатги» республикаялъул цогидал басмабиги рук1ана цо соналъги райадминистрациялъул фоеялда регун, лъицаго  берги рехич1ого. Мухбирзабаз росабалъе библиотекабазде щвезарулинги буго гьенибго абулеб. Цебе ч1езабе Хунзахъ Г1оч1лове  яги Г1урк1ач1иве газеталги раччун унев чи. Гьеб зах1матги бихьун росабалъе щвезаруразул къисматги додинабго ккезе  бук1иналдаги щибго  щаклъи гьеч1о.

Ц1алана 13  январалда Россиялъул Печаталъул къо к1одо гьабун данделъи бук1анин ДРялъул Журналистазул союзалдайин «Х1акъикъаталъул»  мухбир Кавсарат  Сулеймановалъ хъвараб  макъалаги. Г1акъилаб калам бугоан гьениб Г1али  Ах1мадовичасул. Республикаялъул Лъай кьеялъул министерствалъ, пачалихъиял х1акимзабаз ва культуриял идарабазул х1алт1ухъабаз, ай жамг1ияталъго рахьдал мац1 ц1униялде кьолеб к1вар ц1ик1к1инабич1они, миллияб  прессаялда т1ад къоно ч1вазе бегьиялъул х1инкъи  бугин абураб пикру загьир гьабун буго бет1ерав журналистас жиндирго к1алъаялда. Анц1-анц1 соназ жидерго хат1ги къаг1идаги ц1унун халкъалъул г1умруялда цадахъ г1асруг1ан  заманалъ лъугьа-бахъунелъулги бицунаго церет1ун рач1арал районазул  газетал  къаялдасанищха миллияб прессаялда т1ад къоно ч1вазе  байбихьи лъезе кколеб? «Х1акъикъаталъул»  бач1инго Хунзахъан гурищ бук1араб? Районазул тарих ц1унараб, цебе арабги жакъасебги жинда жаниб гвангъун  рагьараб мат1улъун кколел газеталги кодоса росун тезехъин буго маг1арул халкъ цо чияс ургъараб оптимизация сабаблъун х1алт1иги гьеч1ого  хут1арал редакциязул  коллективазул бицинч1ониги. Бит1ун гьеч1о!.

Жидерго баяназда рекъон 6 азарго экземпляр буго «Х1акъкъаталъул» тираж жакъа къоялде.  Районазде  рахъун  жидецаго гьабурабги малъани, подписка 11 азаргоялдеги бахунилан абулеб буго гьез. Божуларо! Дун миллияб газета рихарав чи гуро, бокьула ва ц1алула дица гьеб ахадаса бахъараб т1араде  щвезег1анилан абухъе.  Амма подписка ц1ик1к1инабизе районазул  лъайкьеялъулгун культураялъул г1уц1абазде рехун теч1ого, Кавсаратица  хъвавухъе миллияб тарихгун адабиятги хьвада-ч1вадигун  рук1а-рахъинги  бихьулеб мат1улъун «Х1акъикъат» лъугьинабиялда т1ад  ургъизе ккун буго гьелъул коллектив. Газетазе подписка ц1ик1к1унедухъ маг1на бугел  макъалабаздалъун гьелги бечед гьаруни, заманалда  ц1алдолезухъе щоледухъ почги х1алт1ани нилъер  газеталги ц1унун хут1ила, миллияб  газеталда жаниб гьелъул т1инч1лъун бугеб  районакаялда т1асияб соналдего т1ад къоноги ч1вала.

Х1акъикъаталъул бач1ин бук1ана Хунзахъан. Хунзахъ районалда гуребги районазул газетал къазе х1укму гьабилалде цебе районазул  бут1руз халкъалда гьикъизе ккела референдум  ва гьелда релъараб щиб гьабунги, нуж  разиял ругищ  районалъул газета къазейилан. Дир пикруялда районазул газетал къай  маг1арул мац1алъе бухъулеб хоб буго. Дир ихтияр  бук1арабани дица щибаб росдалги газетал риччаялъе х1алт1и гьабилаан. Дагъистаналда жидерго газетал риччалел росабиги руго. Х1акъикъат къо бахъанаг1ан халкъалдаса рик1к1алъулеб  буго. Штаталда гьеч1ел  мухбирзабазул макъалаби рахъизе я ресал я бак1 гьезул бук1унеб гьеч1о районалда тарав 2-3 мухбирас хъвараб макъалацин бахъизе бак1 гьелда г1еларо. Росабазул мухбирзабаз, г1адатияб халкъалъ жидерго ургъелал, зах1малъаби лъида данд ралел? Гьеб мехалъ маг1арул газета лъугьина элитаялъе яги рес бугезе гурого бак1 щолареб газеталъун. Материалияб рахъалъул бицунеб бугони, газеталда т1ад гуро экономия гьабизе кколеб. Миллионал рикъизе риччангут1иялда т1аделъизе ккола ва мискинзабазухъа гуребги налогалги т1алаб гьаризе ккола.

Бюджеталъул г1арацги халкъалъул г1арац ккола, халкъалда т1ад гьабич1ого экономия халкъалда т1ад бараб нац1ал дагьги гьарун, гьезда гьабизе ккола.

 

 

Просмотров: 477 | Добавил: NiGMaT | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz