Пятница, 29.03.2024, 05:28 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2018 » Апрель » 14 » РАЙОНАЛЪУЛ БЕТ1ЕР ВИЩИ НАХЪБАХЪАНА.
16:50
РАЙОНАЛЪУЛ БЕТ1ЕР ВИЩИ НАХЪБАХЪАНА.

12 апрелалда райадминистрациялъул данделъабазул залалда т1обит1ана районалъул депутатазул собраниялъул иргадулаб сессия. Гьелда г1ахьаллъи гьабуна районалъул бет1ерасул ишал т1уралев Шамил Г1аммаевас, гьесул заместителаз, районалъул депутатаз ва цогидазги. Сессия бачунеб бук1ана районалъул депутатазул собраниялъул председатель Хваджаев Хваджаца. Гьенир гьоркьор лъурал аслиял суалаздасан рук1ана районалъул бет1ерасул хъулухъалде кандидатал рищиялъул конкурсалъул х1акъалъулъ лъазаби, райадминистрациялъул аппараталда хиса-басиял гьариялъул х1акъалъулъ ва 2017 соналъ районалъул бюджет т1убазаби тасдикъ гьаби.

Сессиялдехун цебеккунго аслияб интерес бук1ана гьениб районалъул бет1ерлъуде кандидатал рищулеб конкурс тасдикъ гьабизе кколеб бук1иналъ. Амма гьеб суал г1ага-шагарго июль моц1алъул ахиралде-августалъул байбихьуде щвезег1ан нахъбахъун тезе ккана. Хваджа Хваджаевасул раг1абазда рекъон гьелъие г1иллаги ккун буго республикаялъул нухмалъиялъ гьеб суал дагьаб нахъбахъеян аби. Законалда рекъон заман щвелалдего районалъул бет1ер хъулухъалдаса нахъе анани, гьесул бак1алда ц1ияв нухмалъулев вищизе кколев вуго анлъго моц1ида жаниб. Гьединго депутатазда гьоркьоб бах1с ккана рищиял рагьараб къаг1идаялъищ яги балъгойищ гьарилеялиги.

К1иабилеб суалалда хурхун к1алъазе вахъана райадминистрациялъул юрист Г1абдулаев Х1асан. Гьес жиндирго докладалда бицана районалъул администрациялъул аппараталда чара гьеч1ого хиса-басиял гьаризе кколилан. Гьединан къазе яги къокъ гьабизе кколеб буго анц1го отдел ва гьезул бак1алда г1уц1изе кколел руго бат1иял структураби. Законалда рекъон лъабгоялдаса дагьаб къадар х1алт1ухъабазул бугони отдел г1уц1изе бегьулеб гьеч1о. Гьединго щуго х1алт1ухъан вугони гурого отделалъул начальникасул заместительги вук1ине бегьулев гьеч1о. Отделал хисизариялда цадахъго дагьлъизехъун буго гьезул нухмалъулезул харжалги. Аслияб къаг1идаялъ оптимизациялъул к1ич1икье ккезехъин руго гьаб нухалдаги культураялъул ва библиотекабазул х1алт1ухъаби. Чанго библиотекаялдагун клубалда къокъ гьаризехъин раг1ула штатал, цо-цо бак1азда гьел 0,5 яги 0,75 ставкабазде рачинехъин руго. Гьедин гьабич1ого рес гьеч1илан бицана районалъул бет1ерасул заместитель Асадг1али Г1абдуразакъовас. Гьесул раг1абазда рекъон районалъул бюджеталъул рес гьеч1ила культураялъул бут1аялъул х1алт1ухъабазе рихьизарурал ц1ик1к1арал харжал кьезе. Палх1асил, гьадингоги рух1 хвасарлъиялъейин абухъего кепкалги кьун ругел культураялъул х1алт1ухъаби дагьабги зах1матаб х1алалде ккезаризехъин руго. Мисалалъе, Г1ахьалч1и культураялъул рукъалъул х1алт1ухъабазе 2015 соналъул харжал щунго гьеч1о. Бакьагьеч1и клубалъул х1алт1ухъабазе исана сон байбихьаралдаса гъурущ бихьун гьеч1о. Штатал къокъ гьарулаго хасаб комиссияги г1уц1ун, г1ага-божаралин гьудул-гьалмагълъийин абун теч1ого, х1алт1ухъанасул лъайги бажариги х1исабалде босун гьабизе ккелин оптимизациян абуна Шамил Г1аммаевас. Чанго г1уц1иялда хъван ругила гьезего гьеч1ел х1алт1ухъабазул штатал, цониги г1уц1иялда бихьизабун гьеч1о штатазул лимит. Гьедин бюджеталъул 8 миллион унеб бугила гьезего гьеч1ел х1алт1ухъабазе.

Араб соналъул бюджет т1убазабиялъул отчет кьуна финансовияб отделалъул начальникасул ишал т1уразарулев вук1арав Мух1амадх1абиб Мух1амадовас. 2017 соналда районалъул бюджеталде бач1ун буго 713 миллионгун 978,4 азарго гъурущ. Гьелдасан налоговиял ва налоговиял гурел доходал-222,09 миллион гъурущ. Г1аммаб бюджеталда гъорлъ гьел бащалъулел руго 32%. Налогазда гъорлъ аслияб бак1 кколеб буго физическиял лицабазул доходаздаса кколел налогаз-164,5 млн. яги 80%. Гьеб рахъалъ лъаг1алил план т1убазабун буго 108%. Налогазда гъорлъ хадусеб к1вар бугеблъун кколеб буго ракьул налог. Гьениса щун буго 4,7 млн., план т1убазабун буго 111%. Цоги к1вар бугеблъун кколеб буго физлицабазул буголъиялда лъолеб налог. Гьеб налогалдалъун щвараб г1арац кинабго унеб буго росабазул бюджетазде гъорлъе. Бук1ине кколеб заманалда ракьул ва буголъиялъул налогал рач1иналъул мурадалда г1емераб х1алт1и гьабулеб бугила районалъул администрациялъ,налоговияб инспекциялъ, кадастровияб палатаялъ ва Росреестралъ. Гьел налогал рак1ариялъул х1алт1и гьаби кколеб буго «экономика хъах1 гьаби» абураб приоритетияб проекталъул цо бут1алъун. Араб соналъул ахиралда республикаялъул бюджеталдасан бач1араб г1арац бахун буго 49,16 миллионалде. Гьеб кколеб буго лъаг1алил планалъул 100%. Гьездасан дотация-49,1 млн., субвенция-380,5 млн., субсидия-60,4млн. Гьединан районалъул бюджеталде бач1араб г1арцуца рес кьун бугила киналго бюджеталъулал учреждениязул ва лъай кьеялъул г1уц1абазул х1алт1ухъабазе харжал кьезе. Гьединан араб соналъул районалъул бюджеталъул т1аса унеб бут1а бащалъун буго 737,4 миллионалда, ай бюджет т1убазабун буго 98%. Гьеб г1арцудасан лъай кьеялда харж гьабун буго -487 млн. гъ, культура-50,9 млн., социалияб политикаялда-11,01 млн., г1аммал пачалихъиял суалал т1уразе-75,7 млн. Бюджеталъул аслияб бут1а унеб буго г1адамазе харжал кьеялде-467,4 млн. (70%).

Абизе ккола сессия г1ажаибаб ч1аголъиялда ва бах1сазда анилан. Саг1ид Юсупов вугев заманалда къанаг1ат гурони к1алъалел рук1инч1ел депутатазул гьаб нухалда ч1ей бук1инч1о. Г1емерал суалал ва г1арзал рук1ана депутатазул районалъул нухмалъиялдехун. Мисалалъе, Гьоц1алъа депутат Мух1амад Г1умаровас борхана росулъ ДЮСШ х1алт1изе биччаялъул суал. Г1арзал рук1ана Хунзахъанги. Хундерил бегавул Т1алх1атов Хизри рази гьеч1оан советалде т1аде клубал рехиялдаса. Гьезие кьезе г1арац раг1уларо советалъул бюджеталда. Бищунго жигаралда сессиялда г1ахьаллъи гьабуна РЭСалъул нухмалъулев, депутат Мусаев Г1алица. Цониги суал хут1ич1ин абизе бегьула гьес т1ад к1алъай гьабич1еб.

Районалъул нухазул участокалъул нухмалъулев Сайгидов Мух1амадица абуна районалъул бюджеталдасан г1арац биччач1ого Г1араниса Хунзахъе рач1унеб нух къач1азе жидер рес гьеч1илан. Х1акъикъаталдаги гьеб нух къач1азе заман нек1ого щун бугоан.

Гьединаб ах1вал-х1алалда ана депутатазул собраниялъул сессия.

  • Мух1амадов.
Просмотров: 540 | Добавил: NiGMaT | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz