Вторник, 25.07.2017, 19:34 | RSS | Приветствую Вас Гость
Главная | Регистрация | Вход
Меню
Последние номера

21 Июль 2017г. №51-52(9987-9987)

14 Июль 2017г. №49-50(9985-9986)

7 Июль 2017г. №47-48(9983-9984)

30 Июнь 2017г. №45-46(9981-9982)

23 Июнь 2017г. №43-44(9979-9980)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Апрель » 3 » НУЖЕР ПИКРУ КИНАБ БУГЕБ?
21:54
НУЖЕР ПИКРУ КИНАБ БУГЕБ?

Разилъун рук1аниги

Кинав вук1аниги инсан районалъул бет1ерлъуде, яги кинаб бук1аниги х1акимлъиялде вач1унев вугони, гьесул мурадлъун бук1ине кколин тола дица, г1адамазул г1умру яшав лъик1лъизаби, росабалъа, муг1руздаса г1адамал г1ат1иракьалде гочинаредухъ цебет1ей лъугьинабун, гьарураб, г1ураб бак1ги цебет1езабун рижаралъурго г1умру гьабун ч1езари, районалъул, х1алт1улеб г1уц1иялъул къимат-къадру борхизаби.

Нилъер районалъул бет1ерлъуде Юсупов Саг1ид Камилович вач1ун балеб буго 3 сон. Гьеб заманалда районалда лъугьараб-таралъул х1акъалъулъ бицеян, гьесдаса ва гьесул  командаялдаса бугеб разилъи яги разилъунгут1и кинаб бугебали лъазелъун жакъа нижер  мухбир дандч1вана районалдаса цо-цо г1адамалгун. Гъоркьехун рахъулел руго гьезул цо-цоязул пикраби.

 

Саг1идов Сайгидулбат1ал, Уздалросдал школалъул физкультураялъул учитель

Районалъул администрациялъул бет1ерлъуде Саг1ид Камилович ва гьесул команда бач1аралдаса районалъул г1умру, хасго спорт ц1илъун бач1анин абизе к1вела дида. Инсанасул г1умруялъе физкультураялъул ва спорталъул бугеб к1варги бич1ч1ун, гьес росабалъ ралел руго спортивиял площадкаби, залал. Жигар бахъулеб буго махщалилал загьир гьаризелъун т1орит1улел спортивиял тадбиразда бергьаразе шапакъатал кьун, сайгъатал кьун гьел к1одо гьаризе. Мисалалъе босани, гьаб жакъаги т1обит1улеб буго учительзабазул спартакиада. Гьанирги загьирлъизе руго цереккун нилъеда лъалел рук1инч1ел учительзабазул ц1арал, командаби. Узухъда, к1одо гьаризе руго бергьаралги. Гьелъ рес кьезе буго щивасул сахлъи щулалъи гуребги, гьеб щулалъизелъун гъираялда щивав чи къеркьезеги.

 

Г1алиханов Мух1амад Г1алиханович, Г1ахьалч1и росдал гьоркьохъеб школалъул директор.

Жакъа Юсупов Саг1ид Камиловичасулги, гьесул командаялъулги х1алт1и цебе ч1езабуни, нилъ рохизе ккараб ах1вал-х1ал бугилан абизе к1ола дида. Балагье, киб нилъеда батулеб Саг1ид Камиловичасул х1ет1, бер щолареб бак1. Рорхатал муг1руздеги вахуна гьев, г1ат1идал авлахъаздеги щола гьев. Гьев вихьизе бегьула г1иял рехъаби ругелъубги г1ачиязул фермабаздаги. Киб бугеб гьев щвеч1еб школа, ясли-ах, гьес кумек гьабич1еб г1уц1и.

Нижер Г1ахьалч1и росулъги капиталияб ремонт гьабуна фельдшерлъиялъулгин акушерлъиялъул пункталъе, ц1илъизабуна х1ухьлаца хинлъизариялъул система, бана спортзал, ремонт гьабун къач1ана школа, лъималазул ясли-ах.

 

Г1алибегов Сайгидх1осен Мух1амадович, лицеялъул ц1алулгун х1алт1и гьабиялъул рахъалъ заведующий.

Г1олохъанав нухмалъулев Юсупов Саг1ид Камилович районалъул бет1ерлъуде ккаралдаса нахъе районалда г1емер цебет1ей лъугьана. Разе лъугьана ц1и-ц1иял спортивиял бак1ал, ясли-ахал, капиталиял ремонтал гьаруна школазе ва цоги-цогидалги х1алт1ул г1уц1аби жанир ругел мина-картазе. Лъик1аб ишлъун ккана росаби, къват1ал, лъарал, иццал чороклъиялдаса, рищни-къулалдаса рац1ц1ад гьаризе г1адамал рахъинари, паркал, скверал гьаризе лъугьин.

Амма руго т1аде к1вар кьезе х1ажатал рахъалги. Г1олохъанаб г1елалъе гьеч1о х1алт1изе бак1ал. Лъик1аб бук1инаан г1олохъаби росабиги тун г1ат1иракьалде инч1ого рук1инелъун, х1алт1изе бак1ал рагьизе к1олебани, гьел цониги пайдаяб ишалде руссинаризе  бажарани.

Гьабсаг1аталда районалда х1ажат руго муг1алимзабаздасан росани, математикал, физикал, химикал. Тохтурзабазул бицани, лор врачал, кардиологал ва гьел гурел г1емерал цогидалги специалистал. Рес рекъани нилъерго районалдаса, рекъеч1они цойгидаб бак1алдаса рач1инарунги специалистазде  бугеб х1ажалъи лъуг1изабуни лъик1 бук1инаан. Оптимизация гьабулел ругилан, республикаялдаго, х1атта Россиялдаги къокъ  гьарулел руго х1алт1улел бак1ал. Нилъер аниб фабрикал гуро, заводал гуро, кин хьихьизе ругел г1адамаз жидерго хъизан-лъимал. Гьеб цох1о нилъер районалда бугеб унти гуро, Россиялъего х1ажат ругоан ц1иял х1алт1улел бак1ал рагьизе, ругезулг1аги оптимизация гьабич1ого. Дида рак1алде ккола кибго гъеж гурун х1алт1улъ цебехъанлъи бихьизабулев Саг1ид Камиловичас гьелъулъги жиндирго бут1а лъелилан.

 

Г1абдурах1манова Хадижат, Х1ариколо росдал культураялъул рукъалъул директор

Нилъер районалъул бет1ерлъуде Саг1ид Юсупов вач1аралдаса г1езег1ан к1вар кьезе лъугьана культураялъул учреждениязде. Нилъер район бук1ана ва буго маг1арулалго г1адин, гьобол-гьудул хирияб, т1аде вач1арав чиясул адаб-х1урмат гьабулеб район. Нилъеего гьеч1ониги гьабула нилъер г1адамаз т1аде вач1арав чиясе гьоболлъи. Гьедин, нилъер умумузул г1адаталги, г1аданлъи-нухги бихьизелъун щибаб росдал культураялъул рокъоб г1уц1ун руго культураялъул централ, гьенир гьарун руго гьобол-гьудуласул рукъзал. Гьабсаг1аталда нижеда к1ола бокьарал туристал рач1ани, гьел гъираялда къабул гьаризе. Культураялде гьес кьолеб бугеб к1вар дица чара гьеч1еблъун рик1к1уна.

 

Султ1анова Пат1имат Мух1амадовна, Самилахъ культураялъул рукъалъул директор

Ниж руго Хунзахъ районалдаса г1емерго рик1к1ад кколеб Кумторхъала районалде гьоркьобе унеб Самилахъ росулъ г1умру гьабун ругел Хизроевасул ц1аралда бугеб СПКялъул ракьалде кколел г1адамал. Рик1к1ад ругониги, лъазе бокьула районалда кколебщинаб лъик1аб, квешаб. Гьеб рахъалъ босани, Саг1ид Камилович районалъул бет1ерлъун вач1аралдаса информациялъулал баянал щвей г1емерго лъик1лъана. Гьанже инстаграммалде раккани лъазе к1ола кинабго районалда лъугьунебщинаб. Нижецаги кинабго х1алт1и гьабула районалда гьабулебщинабги кьоч1ое босун, районцоязул пикрабиги, масъалабиги нижецагоги бергьенлъиялда т1уразаризелъун.

Жакъа районалъул культураялъул к1алг1аялде щвараб мехалда, ниж рохула гьенир ругел церет1еял, гьеб къач1ан, берцинго бугеб куц бихьун, гьениб ва цоги-цогидалги культураялъул к1алг1абахъ гьабулеб х1алт1и бихьун гъира бала гьезухъего х1алт1изе. Г1аммаб къаг1идаялъ босани, Саг1ид Камиловичасул ва гьесул командаялъул нухмалъи бет1ералде бач1аралдаса г1умруялде ва х1алт1уде рокьи, гъира бана. Гьев вуго г1олохъанав, жигарав нухмалъулев. Гьесулгун бокьараб мехалда рагьун х1алт1ул бицине бегьула. Саг1ид Камиловичас нижер культураялъул рукъ берцин гьабизе сурсатал риччазеги раг1и кьун буго. Дун гьесда божула ва хьулги буго районалъул культураялъул к1алг1аялда хадуб рилъун нижецаги берцинабги, лъик1абги, пайдаябги гьабизе бук1иналда.

 

Районалъул цогидал г1адамалгун дандч1вайдал, гьез аслияб къаг1идаялъ хьул гьабулеб буго районалде исанаг1аги газ бач1иналде, х1алт1улел бак1ал къокъ гьарич1ого, г1аксалда ц1и-ц1иял рагьиялде. Гьез божилъи гьабулеб буго нилъер администрациялъул бет1ер бажари бугев, гьабулеб иш раг1алде бахъинабич1ого ч1оларев, бицараб раг1ул бет1ергьан вугелъул, къокъаб заманалда гьеб иш раг1алде бахъинабизе бук1иналда.

Н. Г1алиева.

Х1урматиял газета ц1алулел! Т1адехун респондентазе кьурал суалазе нужер жавабал-пикрабиги лъазе бокьилаан. Районалъул нухмалъулесул, гьесулгун пикруцоязул х1алт1ул рахъи кьеялъул, к1вар буссинабизесел суалазул хъван бит1е редакциялде ялъуни kaziyat2013@mail.ru электроннияб адресалде.

 

Просмотров: 145 | Добавил: NiGMaT | Рейтинг: 0.0/0

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz