Араб анкьалда къват1ибе араб № 2-3 бугеб газеталда рахъарал ц1алдолезул пикраби, мурадазул данде гьабураб гьумералда рахъун рук1ана Хунзахъ росулъ хараби г1одор ч1олеб бак1алда ва гьенибго ицц баялда бан ц1алдолезул пикраби
Автобусалъул остановкаялда г1одор ч1арал харабазда хурхун бат1и-бат1иял пикраби рач1унел руго росдал г1адамазул. Гьале гьезул цо-цоял.
Пат1имат:
Щибаб къоялъ хараби г1одор ч1олел рук1арал к1амураби рихизари бит1араб гьеч1о, ц1идасанги разе ккела.
Хадижат:
Автобус ч1олеб бак1алда рук1инч1ого, щай хараби жиде-жидер рокъор бакъалда г1одор ч1ун рук1унарел? Нилъеца нилъерго рокъоб гьабулареб чороклъи гьабулеб буго гьез гьениб данделъараб бак1алда. Цебе годек1аниб хараби данделъулаан лъик1аб бицине, квешаб тезабизе, г1ун бач1унеб г1елалъе умумузул мисалалдаги тарбия кьезе к1вар бук1инелъун. Гьанже сундуе г1оло гьел хараби гьенир данделъулел. Хал гьабураб мехалда гьел г1одорч1араб бак1 ц1ун бук1уна бух1унхут1азулги, чороклъиялъулги, жалгоги рук1уна кагътал т1ами гьабулел. Гьебищ г1ун бач1унеб г1елалъ гьездасан мисал босизесеб пиша?
Х1алимат:
-Жакъа рук1аниги метер рук1унарел чаг1и руго хараби. Гьел жидеего хинлъи бугеб бак1алда г1одор ч1унин абун нилъее кинаб бук1аниги заралги гьеч1о. Г1иц1го хараби гурелги г1одор ч1олелъул гьеб бак1алда, бух1унхут1ал харабазде рехи бит1араб гьеч1о.
Умагьани:
Бит1араб бицани, автобусалъул остановкаялде рак1арарал херазулги, г1олохъабазулги цересан унезе ц1акъ санаг1алъи гьеч1олъи бук1ана. Гьел к1амураби рихизари ц1акъ бит1араб иш ккана. Амма сверуда базар лъолеб бук1араб бак1алда гьел хараби г1одор ч1унилан лъиего къварилъи гьеч1о. Риччанте цоцазул рак1 гъезабизе гьенир г1одор ч1ун рук1ине.
Г1аишат:
Бит1араб бицани ицц гьениса нахъе бахъиялдаса дун кутакалда йохана, щайин абуни, гьеб бак1алдаса лъим ц1олел, черолел г1адамаз ва машиначаг1аз гьениса лъим баччулез бак1арулароан жидедаго хадуб чороклъи. Цо-цо мехалда ц1акъго рак1 къалеб къаг1идаялда бук1унаан гьенисан лъим унеб трубагицин. Дагьабго манзилалъ дорег1ан лъим ц1езе унилан, щибго къварилъи бук1инаро, чороклъи гьеч1ого, рац1ц1алъиг1аги буго. Биччанте гьеб ицц гьениб гьеч1ого бук1ине.
Сверуда г1одор ч1арал харабазухъ балагьани рак1гицин лъик1лъула. Гьезул лъиего къварилъи гьеч1о.
Сакинат:
Жиде-жидер рукъ камурав чи гьеч1елъул, рокъор бакъалда г1одор ч1аян абе харабазда. Унесдаги вач1унесдаги т1асан гаргадизе ал щибизе къот1нор г1одор ч1езе кколел?
|