Среда, 20.09.2017, 14:14 | RSS | Приветствую Вас Гость
Главная | Регистрация | Вход
Меню
Последние номера

8 Сентябрь 2017г. №65-66(9999-10000)

1 Сентябрь 2017г. №63-64(9997-9998)

25 Август 2017г. №61-62(9995-9996)

21 Август 2017г. №59-60(9993-9994)

11 Август 2017г. №57-58(9991-9992)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Ноябрь » 19 » ХАЛКЪАЛЪУЛ Г1АЛАМАЛЪУЛ РАК1 БЕКУН ХВАРАВ.
17:15
ХАЛКЪАЛЪУЛ Г1АЛАМАЛЪУЛ РАК1 БЕКУН ХВАРАВ.

Гьал г1агарал къоязда 80 сонил г1умруялда нилъедаса ват1алъана т1адег1анаб квалификациялъул врач, рак1бац1ц1адав х1алт1ухъан, лъик1ав инсан Харахьиса Маликов Г1аливагьаб Басирович. Рек1елъ к1удияб пашманлъиялъул асаргун къабул гьабуна гьеб кьог1аб хабар г1иц1го Харахьи росдал г1адамаз гуребги, Хунзахъ районалъго, киналго гьев лъалев вук1аралщиназ.

1954 соналда Харахьи гьоркьохъеб школа лъуг1арав Г1аливагьаб, гьебго соналъ ц1ализе лъугьана Дагъистаналъул Пачалихъияб медицинаялъул институталъул сахгьариялъул факультеталде. Бергьенлъиялда гьебги лъуг1изабун т1ад вуссарав Г1аливагьабица лъабкъогог1ан сон кьуна г1адамазул сахлъи ц1униялда ва гьеб щула гьабиялда. Чанги зах1матал ва рак1алдаса унарел къоял нахъа тана гьес, Ц1умада районалъул больницаялъул бет1ерав врачасул заместителасул, Харахьи участкаялъул больницаялъул бет1ерав врачасул, Гьоц1алъ участкаялъул больницаялъул бет1ерав врачасул ва 1975 соналдаса нахъе г1умрудул ахирал къоязде щвезег1ан Харахьи участкаялъулаб больницаялда терапевтлъун х1алт1улаго. Кинаб сахлъи ц1униялъул г1уц1иялда х1алт1улев вук1аниги, гьесие хасиятаб бук1ана рак1бац1ц1алъи, унтарасе х1ажатаб дару-сабаб гьабиялда цадахъго, гьесул рак1 батизаби, сахлъизе вук1иналда божизави, гьезие х1еренаб каламги, камилаб махщелги кьей.

Г1аливагьаб вук1ана кутакалда г1адамасда гурх1улев, киданиги гьезие кумекалъе ватулев рак1 лъик1ав инсан. Г1адамаз гьесда абулаан «ч1агояб рентгенилан» абун. Абиларебги кинха, гьесда унтарасул бадиве валагьун лъалеб бук1аралъул кинаб унти чиясул бугебали. Цо нухалда Г1аливагьабихъе вач1ун вук1ана районалъул щиб, республикаялъул щиб, ц1ар раг1арал больницабазда жиндирго кинаб унти бугебали ч1езабизе к1веч1ев унтарав. Гьес т1аде валагьун бицана кинаб унти гьесул бугебали. Г1аливагьабица лъураб диагноз Москваялъул клиникаялда тасдикъги гьабуна. Гьаниб цо мисал бачун таниги, гьединал лъугьа-бахъинал гьесул г1емерал рук1ана. Кинаб бугониги унтиялъ унтарав чи, цин т1оцеве гьесухъе инч1ого, цоги бат1ияв тохтурасухъе унароан.

Г1аливагьаб вук1ана сабурав, гьелдаго цадахъ махсаро-хоч1 г1емерав чиги. Гьесухъе гьоболлъухъе щвараб мехалда, жиндирго г1умрудул гьудул Айбикагун цадахъ, бит1ахъе анц1ила микьилъ ругебг1адаб махсаро-хоч1алда, т1аде рач1аразулгун гьуинаб каламалда, рак1 жубараб хабар к1алалда вук1унаан гьев. Гьелъги батила Г1алидациян гурого абулароан г1адамаз гьесда.

Г1аливагьаб кколаан Дагъистан республикаялъул мустах1икъав тохтур, сахлъи ц1униялъул отличник. Гьесул зах1мат к1одо гьабуна г1емерал х1урматалъул грамотабаздалъун.

Махщел камилав тохтур, рак1 лъик1ав инсан, киназего кумек к1удияв инсан, г1олилазул лъик1ав насих1атчи, лъималазул лъик1ав эмен-гьединавлъун хут1ила Г1аливагьаб кидаго гьев лъалевщиназул рак1азулъ.  

 

 

Камуна мун нижей

Къанщаралищ берал, тарабищ дунял,

Батич1ебищ дару дурго унтуе?

Унтаралщинаца дур ц1ар ах1ула,

Ц1ар лъиде ах1илеб «билъунеб рентген».

 

Меседил гьел кверал карандаги лъун,

Лъиде божун тарал дуца унтарал?

К1оларо божизе мун гьеч1ин абун

Гьеч1ого рес гьеч1ев лъаялъул устар.

 

Дур ирс босарай яс, тохтур Пат1имат,

Рух1 кьун сах гьавизе т1аделъаниги,

К1веч1о мун вахчизе хвалил к1ич1икьа

Хъван бук1ун гьеч1о дуй т1ок1алъги г1умру.

 

Т1ад балагьун унтуй диангоз лъолев,

Дур г1адаб лъай гьанже киса нижее?

Дур к1иявгоги вас, Жамалгун Х1айдар,

Дур ками зах1малъун рак1 бекун ругин.

 

Эльмира, Айбика сабруялда ч1а,

Чанги къимат бугев тохтур вук1анин.

Индал инсанасул къимат лъик1 лъалин,

Къиматав терапевт гьеч1о мун гьанже.

 

Чанги къвариг1ина мун Г1аливагьаб,

«Врач от бога»,-ян ц1ар кьурав тохтур

Чан хвалил к1ич1икьа инсан вахъарав

Макьу гьеч1ел сардал дуца рорч1арал.

 

К1вах1аллъиги свакги сверухъ х1алт1ич1ев,

Бокьараб саг1аталъ х1алай ватарав.

Алжан щун вохаги, Г1аливагьаб мун

Г1умру кьун рохаги дур гьел лъималги.

Пат1имат Мух1амадова, Харахьи росу.  

 

 

 

Просмотров: 72 | Добавил: NiGMaT | Рейтинг: 0.0/0

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz