Пятница, 15.12.2017, 22:56 | RSS | Приветствую Вас Гость
Главная | Регистрация | Вход
Меню
Последние номера

1 Декабрь 2017г. №89-90(10023-10024)

24 Ноябрь 2017г. №87-88(10021-10022)

27 Октябрь 2017г. №79-80(10013-10014)

20 Октябрь 2017г. №77-78(10011-10012)

13 Октябрь 2017г. №75-76(10009-10010)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2017 » Сентябрь » 21 » ХЪАХ1АЛ КЪУНКЪРАБИ-2017
18:48
ХЪАХ1АЛ КЪУНКЪРАБИ-2017

Мун вихьула дида даим чIагоялъ

Цогиял нусгояз хисизе гьечIев

2017 соналъул 8-9 сентябралда Дагъистаналда XXXI-абилеб нухалда тIобитIана «ХъахIал къункърабазул къоял» абураб фестиваль. ХIамзатил Расулица 94 сон тIубалеб гьеб адабияталъул байрамалде исанаги рачIана Россиялъул батIи-батIиял регионаздаса ва къватIисел пачалихъаздаса хъвадарухъаби.

Гьалдаберида гьоркьор рукIана Россиялъул Хъвадарухъабазул союзалъул тIоцевесев секретарь Геннадий Иванов, гьебго идараялъул секретарь, Россиялъул маданияталъул мустахIикъав хIалтIухъан Виктор Кирюшин, «Москваялъул литератор» казияталъул бетIерав редактор Иван Голубничий, «Россиялъул хъахIал къункъраби» абураб проекталъул нухмалъулев Сергей Соколкин, Чачан Республикаялъул миллияб политикаялъул министрасул заместитель Лема Гудаев ва гьезул Хъвадарухъабазул союзалъул нухмалъулесул заместитель Бувайсар Шамсудинов, Россиялъул Хъвадарухъабазул союзалъул секретарь Александр Ананичев, Астрахань обсласталъул Хъвадарухъабазул союзалъул нухмалъулев Юрий Щербаков, «Дон» журналалъул бетIерав редактор Виктор Петров, «Молоко» интернет-журналалъул бетIерай редактор Лидия Сычева, Калмыкиялъул Хъвадарухъабазул союзалъул бетIер Эрдни Эльдышев, балкаразул шагIир Мухтар Табаксоев, Карачаево-Черкесиялъул халкъияй шагIир Лариса Шебзухова, Башкортостаналъул Хъвадарухъабазул союзалъул нухмалъулев Заки Алибаев, «Доля» журналалъул редактор Ольга Прилуцкая, Азербайжаналдаса хъвадарухъаби Марафас ХIусейнов и ГIабдурахман ХIажиев ва гIемерал цогидалги.

Кидаго гIадин, Дагъистаналъул нухмалъиялъул ва Хъвадарухъабазул союзалъул вакилзаби ва гьалбал 8 сентябралда щвана Расул ХIамзатовасул хабаде, ГIурус театралда цебе гьесие бараб памятникалъухъе, МахIачхъалаялъул паркалда бугеб Лъаларев солдатасул памятникалда цебе гьабуна митинг, цинги делегация ана Расул ХIамзатовасул рокъобе ва гьеб къоялъул къаси Поэзиялъул театралда гьабуна шигIруялъул данделъи.

Гьел къоязда Дагъистаналъул нухмалъулев Рамазан ГIабдулатIипов хIалтIулаб сапаргун Москваялда вукIана ва, ХъахIал къункърабазул къоял кIодо гьарун, Москваялъул Яузалъулаб ахикь лъураб Расул ХIамзатовасул памятникалда аскIоб гьабураб тадбиралъулъ гIахьаллъана гьев. Дагъистаналда гьеб байрам бачана республикаялъул вице-премьер Анатолий Карибовас ва Хъвадарухъабазул союзалъул нухмалъулев, халкъияв шагIир МухIамад АхIмадовас.

9 сентябралда гьалбадерил къокъабаз сапар бухьана шагIирасул ватIаналде, Хунзахъ районалъул ЦIада росулъе, гьединго 31 соналъ цебе «ХъахIал къункъраби» абураб кечIалъе памятник бараб Гъунире ва Россиялъул некIсияб шагьар Дербенталде.

Гьал мухъазул авторас исана сапар бухьана Хунзахъ районалде. Гьалбадерида дандчIвай гьабуна Хунзахъ районалъул бетIерасул заместитель АсадгIали ГIабдуразакъовас ва цоги жавабиял хIалтIухъабаз. ЦIадаса ХIамзатил, Расул ХIамзатовасул ва ХIажи ХIамзатовасул памятниказда цере тIугьдул лъун хадур, гьалбал щвана «ХъахIал къункъраби» абураб мемориалияб комплексалда цере Хунзахъ мухъалъул гIадамалгун дандчIвазе.

Хунзахъ районалъул бетIерасул заместитель Асадг1али ГIабдуразакъовас рагIи кьуна районалъул собраниялъул нухмалъулев Хважа Хважаевасе. Гьасул кIалъаялдаса хадуб литературияб рахъ бачана гьал мухъазул авторас. Расул ХIамзатовасул асараздехун ва Дагъистаналдехун бугеб жидер хинаб бербалагьиялъул бицана Россиялъул Хъвадарухъабазул союзалъул секретарь Иван Голубничияс, Дагъистаналъул Хъвадарухъабазул союзалъул нухмалъулесул заместитель, халкъияй шагIир Марина АхIмадовалъ, гьединго хундерида цере рахъана хъвадарухъаби Виктор Кирюшин, Лема Гудаев, Ольга Прилуцкая, Федор Черепанов ва Аминат ГIубдулманапова.

Гьеб къоялъ ЦIаде щвана ЧIикIаб ГЭСалдаса къватIибе бахъараб Расул ХIамзатовас 94 сон тIубаялде гьабураб автопробегги.

Гьалбал рещт1ана ЦIадаса ХIамзатил музеялъур ва Хунзахъ районалъул маданияб кIалгIаялъуб цIалдохъабазулгун дандчIвай тIобитIана. Тобот чвахиялда аскIоре ва ГIараниб хъала бихьулеб бакIалде, гьединго АхIулгохIда аскIоб бараб музеялъуреги щвана «ХъахIал къункърабазул къоял» фестивалалъул гIахьалчагIи. Дагъистаналде бухьараб сапаралъ кIудияб асар гьабуна гьезие.

Гьаб векалъул тарих хадуб магIарухъ,

Хунзахъги ЦIадаги цIалулеб мехалъ,

Дир цIар киб букIинеб – чIваралъ, хваралъищ,

Я хабар лъачIого тIагIаразулъищ?

Гьелъул ургъел гуро гьабсагIат бугеб,

Дир пикраби руго мугIрул халкъалъул,

ЦохIо рохел буго, дида гьеб лъала,

Мун даим хутIизе буго, Дагъистан!

ЧIваразулъги гуро, хваралъги гуро,

Я хабар лъачIого тIагIаралъ гуро;

ТIагъурги ханжарги магIидаги бан,

Мун бихьула дида даим чIагоялъ.-

гьедин хъвана Расул ХIамзатовас. Живго шагIирги вуго даим чIагоялъ. Гьес щибаб къоялъ тIадегIанаб ва ритIухъаб хъулухъ гьабулеб буго МагIаруллъиялъе, Дагъистаналъе, Россиялъе, инсанияталъе, адабияталъе, лъикIлъиялде ва гIаданлъиялде ахIулеб буго дунялалъулго махлукъат.

ГIизудинил ХIамзат, Гумбет район.

 

 

Просмотров: 94 | Добавил: NiGMaT | Рейтинг: 0.0/0

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz