Гьанже г1агар Санкт-Петербургалда т1обит1араб «Бук1инеселъул школа» абурав Т1олгороссиялъул лъай кьеялъулаб форумалда гьанжесеб лъай кьеялъул суалаздасан ва церет1еяздасан чанго бат1иял номинациязда т1обит1араб конкурсалда, школазда ц1али бачунелъул ц1и-ц1иял, лъик1аздаса лъик1ал технологиял х1алт1изаризе ккеялъул х1акъалъулъ номинациялда бихьулеб бут1аги лъун, нижер Т1ануси гьоркьохъеб школа бач1ана Россиялъулго бищун лъик1ал 100 школазда гьоркьобе. Гьеб бахъана конкурсалъул лауреатлъун ва щвана дипломгун цадахъ меседил медаль.
Школалъул директор Дибиров Хъайитмаз Г1умарович гьенив цеве вахъана «Росдал бук1инеселъул школа, абураб суалгун. Гьенибги гьес бихьизабуна жиндирго лъай буголъи ва бажари.
Абизе ккола гьеб форумалда г1ахьаллъи, гьесда жиндирго докладгун цеве вахъин, кинабго гьелда хурхун х1адур гьабурабщинаб материал, свак лъач1ого гьабунщинаб х1алт1и, г1иц1го нижер директорасул жигарчилъи, лъай ва махщел бугилан. Гьесул к1вах1 гьеч1еб х1алт1уца бачана школа Россиялъул бищунго лъик1ал 100 школазде гьоркьобе.
Бокьун буго нижееги вокьулев, нижги рокьулев, цебехун иналъе къвак1ун гали цебе лъезе ниж ругьун гьарулев, сундулъго мисаллъун ва кумекчилъун кколев нижер директорасда шапакъатал баркизе.
Т1ануси гьоркьохъеб школалъул коллектив.
|