1994 соналъул 26 июлалда къабул гьабуна Дагъистаналъул Конституция. Гьеб къо нилъер республикаялъул тарихалде ана Дагъистаналъул миллияб байрам – ДРялъул Конституциялъул къо х1исабалда. Республикаялъул аслияб закон къабул гьабиялъ ц1ияб гьумер рагьана г1емер миллатазулаб Дагъистаналъул халкъ цебет1еялъулъ. Г1адамазе гьанже ц 1ик1к1ун бокьун буго цогояб Дагъистан Россиялъул Федерациялда гъорлъ бихьизе. Конституциялъ законазулаб кьуч1 лъуна демократиялъул ва базаралъулаб экономикаялъул нухдасан Республика цебет1еялъе, гьелъ щула гьабуна дагъистаниязул гъунки ва цолъи, обществоялда рекъел ва раг1и дандеккей. Жакъа улкаялда унел хиса-басиязда бан, нилъее рагьулел руго ц1и-ц1иял ресал, цере ч1олел руго экономика рук1алиде ккезабиялъул ва обществоялъул г1умру лъик1лъизабиялъул ц1иял масъалаби. Рак1ч1арал руго районалъул г1адамазги гьел масъалаби т1уразаризе рук1иналда, гьелъ жидерго зах1маталдалъун республикаялъул, районалъул социалиябгун экономикияб ва рух1ияб цебет1еялъе шарт1ал г1уц1изе рук1иналда. Рак1-рак1алъ баркула киналго районцоязда миллияб байрам – Дагъистан Республикаялъул Конституциялъул къо. Гьарула киназего щулияб сахлъи, рекъел, талих1 ва икъбал.
|
