Понедельник, 26.06.2017, 20:22 | RSS | Приветствую Вас Гость
Главная | Регистрация | Вход
Меню
Последние номера

9 Июнь 2017г. №39-40(9975-9976)

2 Июнь 2017г. №37-38(9973-9974)

26 Май 2017г. №35-36(9971-9972)

19 Май 2017г. №33-34(9969-9970)

12 Май 2017г. №31-32(9967-9968)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ
Выдающиеся личности района
Случайное фото
Водопад Тобот
Погода
Форма входа
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Июнь » 5 » БАГ1АРАБ КЬОДАСАН – БОЛЪИХЪЕ.
12:28
БАГ1АРАБ КЬОДАСАН – БОЛЪИХЪЕ.

Инсанасул г1умру-яшавалъе нухал ккола, черхалъе бидурихьал г1адин чара гьеч1ого х1ажатал жал. Аллагьасда жинибги лъинал рачинги, нухал, кьоял гьариги, гьел къач1айги руго кутакалда кири ц1ик1к1арал халт1аби. Рокъове-къват1иве ккеч1ого г1аданги хут1уларелъул, нухал хун, басралъун, к1удиял квек1енал рук1ана ва жеги руго нухазда хьвадулезе.  Бук1аниги, ч1аралъуса багъарана нухал къач1аялъул иш.  Нухазда гьарурал ва гьаризесел х1алт1абазул дие бицана районалъул нухазул № 39 участкаялъул нухмалъулев Сайгидов Мух1амад Мухтаровичас.

Нилъер районалъул нухазул участкаялъ хъулухъ гьабизе ккола баг1араб кьоялдасан байбихьун, гьебги гъорлъе бачун, Болъихъ районалъул нухде щвезег1ан 255  километр нухалъул. Районалъул нухазе хъулухъ  гьабула 53 х1алт1ухъанас. Араб соналъ участкаялъ босана цо погрузчик, хут1араб  гьениб бугеб техника басрияб буго. Техника, басралъун бук1аниги, гьебги къач1ан х1алт1изабун, бажарараб къаг1идаялъ нухазда х1алт1аби гьарула дорожниказ. Араб соналъ дорожниялъул х1алт1ухъабаз чабах баччун къач1ана Заг1ибе, Харахьи участкаялде бугеб, Гьоц1алъ – Къорода нухал. Зиярат бач1иналде асфальт т1ун къач1ан бук1ана Абулмуслим-шайхасул зияраталде унеб нухги.

Хаселалъ нухал рацизе теч1ого, къаси-къад заман бат1а гьабич1ого, балеб г1азукьги нухаздаса г1аз бац1ц1ад гьабун, сали бан ц1акъ лъик1аб х1алалъ х1алт1ана  дорожникал. Цо машина ц1ураб сали лъабго-ункъго километр нухде базе гурони г1олеб гьеч1о. Ц1орой-квачалъухъ ралагьич1ого, сали лъуг1идал х1алт1ухъаби т1ад руссун рач1ине кколел руго  ц1идасан машина ц1езе.

Х1урут1а, х1арщут1а босун бук1унеб Г1арани автостанциялъул территория гьал къояз чабах баччун къач1азе байбихьулеб буго. Гъоркь гьарулел х1алт1аби лъуг1идал, нухазул участкаялъул х1алт1ухъабаз гьениб т1езе буго асфальт.

Автостанциялъул территория къач1аялъе бахъун буго  компьютернияб макет.

Гьал къояз Моч1охъ росулъе унеб нух чабах баччун, гьеб бульдозералъ бит1изабун къач1ан лъуг1ана.

Гьеб гуребги, дорожниказда рак1алда буго исана Гьоц1алъа бахъараб Уздалросулъе, Заг1ибе, Г1араниса Илълъабе нухал чабах баччун къач1азе.

Асфальт т1езе буго Гиничукье унеб нухда, Г1араниса Хунзахъ № 2 гьоркьохъеб школалде цебе щвезег1ан ва К1удияб Ват1анияб рагъдаса руссинч1езе бараб мемориалалде цебе щвезег1анги. Исана планалда буго Илълъа росулъе ц1ияб кьо базеги. Рак1алда бук1ана Хунзахъе рач1унеб кьо къач1азеги. Гьелъие х1ажатаб г1арац гьеч1олъиялъ кьо къач1ай нахъ бахъун тезе кколеб буго.

Нилъер ракьцояв Загьид Хочбаровасул  кумекалдалъун, «Мостоотряд 99» г1уц1иялъ араб соналдасан байбихьун къач1алеб буго  Гьоц1алъа Ч1алде щвезег1ан 6 километр нухлул.

 Г1ат1ид гьарун, чабах баччун, къвариг1унел лоткаби лъун, гьабсаг1ат гьениб т1адбан унел руго асфальт т1еялъул х1алт1аби. Жакъа къоялде щвезег1ан асфальт т1уна 4,5 километралъул манзилалда. Гьеб нухда бана щуго ц1ияб кьоги.

Гъоркьисала гьебго г1уц1иялъ г1ат1ид гьаризе байбихьун бук1ана Г1ободаса Макьасде щвезег1ан бугеб нухги (8 километр). Хасел щвеялъ гьарулел рук1арал х1алт1аби ч1езе тезе ккана. Мостоотрядалъул х1алт1ухъабазда рак1алда буго х1ажатал х1алт1абиги гьарун, гьеб нух асфальт т1ун къач1азе. Араб соналъго гьениб бана лъабго  ц1ияб кьоги. К1удияб баркала буго гьединаб даражаялда нилъер нухал къач1алел ругел мостоотрядалъулазе ва Загьид Хочбаровасе.

Гьай-гьай, нилъер районалъул дорожниказеги бокьилаан гьезул  даражаялда нухал къач1азе. Нилъер ДЭПалъул х1алт1ухъабазе бищун к1удияб зах1малъи буго техника  басралъун бук1ин. Басрияб техника хванщинахъе къач1азе кколелъул, гьелда х1алт1изе  рач1ине бокьулеб гьеч1о г1адамазе. Техника къач1азе лъалел чаг1иги къанаг1ат гурони рук1унаро. Гьабсаг1ат дорожниялъе къвариг1ун руго механизаторал, бульдозеристал, грейдералда х1алт1изе г1адамал.

Дорожниялъул х1алт1ухъаби къанаг1ат гурони ратуларо г1уц1иялда. Гьение щвараб къоялъги дида гьел техника къач1алел ратана. Живго Сайгидов Мух1амадги гурун гъуждулгун цо х1алт1уда нахъа ватана. Жидецаго хъулухъ гьабизе кколел нухазде хал-шал гьабизе щибаб къоялъ унел руго дорожникал. Гьединго нухазде щола участкаялъул начальникги. Гьедин к1вах1-свак тун, бажарухъе х1алт1улел руго нухазул участкаялъул х1алт1ухъаби.

Х1ажатал г1арцул сурсаталги, х1алт1изе тавпикъ-къуватги сахлъиги кьеги дорожниялъул х1алт1ухъабазе лъик1аб х1алалда нухал ч1езаризе.

П. Гунашева.

 

 

Просмотров: 137 | Добавил: NiGMaT | Рейтинг: 5.0/1

by NiGMaT © 2017 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz