Гьамущи гьоркьохъеб школалда г1емерго тIорит1ула лъималазе пайдаял бат1и-бат1иял конкурсал, экскурсиял ва гь. ц.тадбирал.
Ц1алдохъабазги ц1акъ х1аракат бахъула гьединал мероприятиязда жигараб г1ахьаллъи гьабизе. Лъималазе хас гьабун бокьулеб байрамлъун ккола бач1иналъул байрамги. Киназего хирияб байрам т1обит1улеб къоялъ школалъул азбар ц1акъ берцин гьабун бук1ана бат1и-бат1иял ниг1матаздалъун къач1арал бечедал столазги хасалихълъиялъул костюмал рет1арал лъималазги.
Байрамалъул программаялда рук1ана бат1и-бат1иял конкурсал: бищун лъик1аб стол, овощ-к1одоч, кеч1 рик1к1ин, ах1и, хаслихълъиялъул газета ва гь. ц.
Ц1алдохъабаз овощазул гьарун рук1ана г1ужрукъал, чебурашкаби, чайникал, хьагал, каретаби ва гь. ц. Лъималазул пикру х1алт1иялъе г1орхъи бук1инч1о. Киналниги классал байрамалде лъик1 х1адурлъун рук1ана. Школалде рач1ун рук1ана умумулги . Бихьулеб бук1ана байрамалъул гьезиеги интерес бук1ин.
Конкурсалъе къимат кьезе г1уц1ун бук1ана хасаб жюри.
Т1оцебесеб бак1 щвана ч1ах1иял классазда гьоркьоб 10 классалъе, гьоркьохъел классазда гьоркьоб- 6 классалъе.
Амма г1исинал классазда гьоркьоб къец ц1акъго х1алуцараб бук1ана. Гьел цоцаздаса къеч1ого щибаб конкурсалда цере рахъана.
«Овощ - к1одоч» конкурсалда бищун к1удияб хъабахъ батана 9 классалъул ц1алдохъан Мух1амадов Мух1амадил (17,5 кг.), бищун к1удияб капуста бук1ана 6 кл. ц1алдохъан Мух1амадова Аминатил ва 7 кл. ц1алдохъан Зубаирова Аминатил (6 кг.). Кеч1 ах1изе бищунго гьунар жидер бук1ин бихьизабуна 6 кл. ц1алдохъан Г1абдулмуслимов Нурмух1амадица ва 8 классалъул ц1алдохъаби Камилова Санаца ва Мах1мудова Хадижатица.
Бищун бечедаб стол бук1ана 2, 6, 10 классазул ц1алдохъабазул. Хаслихълъиялъул газеталъе цере рач1ана 3, 5, 10 классал. Ц1акъго рек1ее асар гьабуна 9 кл. ц1алдохъан Джахбарова Пат1иматица рик1к1араб кеч1алъ. Костюмалъул конкурсалда бергьана Расулова (10кл.), Мах1ат1ова Г1айшат (4 кл.), Мух1амадсайгидов Х1ажимурад (2 кл.)
Ахиралда жюриялъул членазги х1адурун бук1ана конкурс- сюрприз. Гьеб конкурсалда бищун хадур гъураллъун ккана Махатова Г1айшат (4 кл), Гъазимух1амадова Чакар (8 кл.), Ибрагьимова Г1айшат (10 кл.).
Аслияб жо, лъимал гьеб къоялъ ц1акъ рохун рук1ана.
Хириял ц1алдохъаби ва классалъул нухмалъулел, гьарула нужее хадур гьарулел конкурсазулъги ч1ах1иял бергьенлъаби.
Мух1амадова Пат1имат Гъазимух1амадовна, класстун къват1ибехун гьабулеб х1алт1ул г1уц1арухъан.
|