Пятница, 29.03.2024, 10:51 | RSS | Приветствую Вас Гость
Главная | Регистрация | Вход
Меню
Последние номера

18 август 2023 г. № 33 (10387)

11 август 2023 г. № 32 (10386)

4 август 2023 г. № 31 (10385)

28 июль 2023 г. № 30 (10384)

21 июль 2023 г. № 29 (10383)

Газета - это лицо района
Мы в социальных сетях
Instagram Facebook
Видео
З.О.Ж. ХУНЗАХСКИХ АКСАКАЛОВ. Спартакиада среди Хунзахцев Супербабушка Сакинат из Хунзаха Лотерея газеты СЕЛЬСКИЙ ТРУЖЕНИК . Открытие камня памяти Хаджи Мурату Культура и традиции Хунзахский р-он «Белые журавли»ЦАДА 2010г. Cвадебный обряд c.Сиух посмертно наградили Орденом «Мужест Участник ВОВ Мух1амад-расул. Праздник Белых журавлей Цада 2009г. Док. фильм о Хунзахском районе. Праздник в ХУНЗАХЕ 9 май 2011 год. Патахов Курбанали с.Сиух 2012г.Вече Махмуд Абдулхаликов Народный артист ВИА САРИР 1994г.Хунзахский район Хундерил музей тарихалъул нугI Юбилей Хунзаха 1989 год (2400 лет) Непавший Герой - Хаджи Мурат Документальный фильм.Хунзахский рай 70 -летие Хунзахского района. Хунзахский музей. Белые журавли.К 90-летию Расула Гам Документальный фильм Хунзахский рай Презентационный ролик курортно-тури РАСУЛ ГАМЗАТОВ-ФИЛЬМ О ПОЭТЕ. ФОРУМ МОЛОДЕЖИ ХУНЗАХСКОГО РАЙОНА 2 День молодежи в Хунзахском районе 2 УМУМУЗУЛ КУЧ1ДУЛ (Г1АЙШАТ ТАЖУДИНОВ Праздник Белые журавли (К 91 летию Закладки первого камня МАТЛАС. Фильм о Кайтмазе Аварском 100 летний юбилей Махулова в Хунзах Стихи Расула Гамзатова. День молодежи в с. Хунзах. 2015 год Вечер памяти наиба Хаджимурата в Ху Хунзахский район. Гьазул х1акъалъулъ бицуна Мала Алха Гьазул х1акъалъулъ бицуна-Магомед Ц Районалъул найихъабазул данделъи Гьазул хIакъалъулъ бицуна - Гимбато Инсан ва сахлъи Гьазул х1акъалъулъ бицуна - ХIайбул Улбузул хIурматалда... Эбелалъул къ День в музее.2017 год. Итоги 2013-2016г.г. МРХунзахский ра Тарихалъул тIанчал(Страницы истории (Открытие памятника Фазу Алиевой) г ГIажизал лъимал рохизаруна Гьазул хIакъалъулъ бицуна - Работни МагIарул гIадатал ракIалде щвей Хунзахский каньон АВАРСКИЙ КОНЦЕРТ(САРИР) с.ХУНЗАХ 19 Санал свераниги хвел гьечIеб байрам День учителя ЦIада поэзиялъул рукъ рагьана М.ХIайдарбеков кIодо гьавун гьабура ГIобода варкаут рагьи ХIабибил бергьенлъиги бекьечIдерил Мы в гостях Патахова Айшат Улбузул хIурматалда - ГьоцIалъ росу Инсан ва сахлъи Хунзах больница День матери Голубой огонек ГIадамал ва замана - ГьоцIалъ росу Афганистаналъул рагъухъабазул дандч 8 Март кIодо гьабуна Гьудуллъиялъул дандчIвай ГIухьбузул къо кIодо гьабуна КIудияб бергьенлъиялде рачIунаго
Выдающиеся личности района
Случайное фото
Водопад Тобот
Погода
Форма входа
Логин:
Пароль:
Наша кнопка
Мы будем вам признательны, если вы разместите нашу кнопку у себя на сайте.

Хунзахская Газета, Сельский труженик, Росдал захIматчи


Статистика

Онлайн всего: 1
Гостей: 1
Пользователей: 0


Главная » 2016 » Апрель » 16 » АЛЛАГЬГИ Г1АДАМАЛГИ РАЗИЯБ ИШАЛДА.
21:49
АЛЛАГЬГИ Г1АДАМАЛГИ РАЗИЯБ ИШАЛДА.

Лъабгог1ан сон балеб буго нилъер районалда жамг1ияб г1уц1и рагьаралдаса. Гьеб заманалда жаниб гьелъул х1аракаталдалъун г1емераб х1алт1и гьабуна ва гьабулебги буго районалда. Обществоялъулги ва жидецаго гьабизе рак1алда бугеб х1алт1улги бицине дагьаб цебег1ан редакциялде вач1ун вук1ана гьеб г1уц1иялъул председатель Ах1мад Х1усенов. Гьале  нижеда  гьоркьоб ккараб гара-ч1вари.

Ах1мад т1оцебе лъил пикру ккараб г1уц1и рагьизе?

- Общество г1уц1изе пикру ккана хасал г1олохъабазул къукъаялъул. Гьеб бук1ана дун  председательлъун ккелалде заман. Цогидал районазулги цебеккунго рук1араллъидал гьадинал г1уц1иял. Гьедин, г1алимзабазда дандги бан, цо гьит1инаб мажлис г1адаб жоги гьабун, х1укму ккана  гьединаб общество г1уц1изе. Т1оцебе гьеб бук1ана г1иц1го Хунзахъ росдал г1уц1илъун,хадуб дагь-дагьккун обществоялъ гъорлъе бачана т1олабго районги.

Аслияб масъала кинаб бугеб нужедаго цебе лъураб?

- Нижеца цере лъурал масъалабазулги гьабизе рак1алда ругел х1алт1абазулги бициндал, г1емерисезда рак1алде ккезе бегьула гьелго х1алт1аби  г1алимзабазги х1акимзабазги ва цогидал жамг1иял г1уц1абазги гьарулел ругелъул, нужееги гьеб т1аде босун щайилан.

Бит1араб буго, гьезги гьабулеб буго к1вараб х1алт1и, амма нижер мурад буго гьеб х1алт1и г1иц1го гьезде рехун теч1ого, цадахъ лъугьун к1вараб кумек гьаби. Жибго х1алт1ул бицани, гьенир руго бат1и-бат1иял рахъал. Гьелги ккола г1олилазул патриотикияб ва рух1иябгун-моралияб рахъ борхизаби, динияб экстремизмалдасагун вагьабизмалдаса ва цогидалги диналъул кьуч1алда лъугьине рес бугел питнабаздаса гьел ц1уни, гьезул спортивияб рахъ борхизаби ва спортивиябгун – сахаб г1умруялде рокьи бижизаби, район бац1а-бакъадго ц1уни, ай экологиялъул т1алабал т1уразари. Гьеб  экологиялъул рахъалде жеги нижер квер г1унт1уларого буго, гьелдаса цере чара гьеч1ого т1уразаризе кколел масъалаби рук1иналъ. Рехсарал масъалабазда гьоркьорги бищун аслияллъун ккола  вагьабизмалдаса г1олилал ц1унизелъун, гьезда гьоркьоб бич1ч1и кьеялъулаб х1алт1и гьаби ва гьезул рух1иябгун  моралияб рахъ борхизаби. Щайгурелъул, нилъеда бихьулеб бугелъул, жакъа дунялалда бугеб ах1вал-х1ал. Дагъистаналдаса Сириялде рагъизе унел руго нус-нус г1олохъаби. Аллагьасе  рецц, цогидал районазде данде ккун гьеб рахъалъ нилъер район г1езег1ан г1адлу-низамалда бугониги, гьединаб х1инкъиги  бук1аго, кинго бегьуларо т1ат1ала квералги лъун ч1езе. Гьединго, лъиего балъголъи гуро цебеялде данде ккун, г1олилазул рух1иябгун моралияб рахъ ва маг1арулазе г1адатаблъун бук1араб ях1-намус т1убанго лъуг1ун бугин абич1ониги, кутакалда г1одобе ккун бук1ин. Гьеб суалалда хурхунги чара гьеч1ого х1ажат буго ц1айи бугеб х1алт1и гьабизе. Гьел рехсарал суалазда хурхун нижеца зама-заманалдасан т1орит1ула районалъул г1олилазулгун дандч1ваял, спортивиял турнирал, бат1и-бат1иял гурх1ел-рах1муялъул акциял ва цогидалги тадбирал.

Районалъул 27 росулъ руго нижер вакилзабиги гьезул кумекчаг1иги, гьезул щивасда т1ад къан буго жиде-жидер росулъ цо-цо тадбир г1уц1изе, рак1алда буго районалъул киналго росабалъ ва гъутабазда  гьединал вакилзаби тезеги. Нижергун ц1акъ лъик1ал бухьенал руго Х1ариколо ва Уздалросдал бегавулзаби Г1исаев Г1умарилгун ва Саг1адула Х1айбулаевасулгун. Цогидал бегавулзабазулги нижее кумек гурони, квалквал бук1унаро. Рак1алда буго исана наиб Х1ажимурад гьавуралдаса 200 сон т1убай к1одо гьабураб тадбир г1уц1изеги, гьединго цогидалги  спортивиялгун жамг1иял тадбирал г1уц1изеги. Хъвазе байбихьун буго хундерил наибзабазул х1акъалъулъ т1ехь, гьединго рак1алда буго школазда х1алт1изабизе бук1ине г1агараб ракь лъазабиялъул пособие х1адуризеги. Гьединго рак1алда буго районалда ругел бесдал лъимал цо къоялъ мах1ачхъалаялде аттракционазде, парказде, ралъдал раг1алде рачун, гьезие х1ухьбахъи г1уц1изеги. К1удияб баркала буго гьел лъималазул сиях1 г1уц1изе кумек гьабурал, районалда бугеб хъизамазегун лъималазе социалияб кумек гьабиялъул централъул начальник Дибирчуев Х1ажие ва гьесул заместитель Г1абдумаликов Г1абдумаликие.

-Ах1мад, х1акъаб жо буго, г1арцулаб кумек гьеч1ого, гьебгощинаб х1алт1и гьабун бажарунгут1и. Ругищ обществоялъе г1арцудалъун кумек гьабулел сахаватчаг1и?

-Узухъда руго. Гьединазда горкьор рехсезе мустах1икъал руго Дибирчуев Шамил, Саг1идов Саг1адула, Малачие Гъази, ибнух1ажаров Мух1амад, х1усейнов Ах1мад, Г1умаров Тимур, Х1усенов Х1усен, сулейманов Сулейман ва Чупанов Мух1амадхан. Араб соналъ Дагъистаналъул муфтий, шайих Ах1мад-х1ажи Г1абдулаевасул ц1аралда чуял риччаялъул турниралде 5 «Приора» машинаги кьун, к1удияб кумек гьабуна «Сумма» группаялъги. Гьеб группаялъул нилъер районалъул рук1арал вакилзаби Хочбар Хочбаровас ва Рах1матулаев Мух1амадицаги гьабуна г1езег1ан кверч1вай. Бокьилаан газета гьоркьоб ккун гьел киназего рак1-рак1алъулаб баркала кьезеги.

-Обществоялъул х1алт1ул аслияб мугъч1вай диналдейищ бук1унеб яги дунявияб рахъалдайищ?

-Гьел рехсарал рахъазул кьварун цоялъул рахъги ккун, цогидалдаса инкар гьаби нижер бук1унаро. Нилъер заманалда гьедин бажаризеги бажаруларо. Законалъ, умумузул г1адатаз ва хасго диналъ инсан киданиги ах1уларо квешал пишабазде. Гьединлъидал, нижецаги гьел киналго рахъал х1алт1изарула цере ч1арал масъалаби г1умруялде рахъинаризе.

-Кинаб гьоркьоблъи бук1унеб районалъул нухмалъиялъулгун?

-Лъик1аб т1ей гьеч1еб гьоркьоблъи бук1уна. Районалъул бюджеталда хас гьабун нижее риччарал сурсатал гьеч1ониги, х1ажат ккедал, г1арцул рахъалъ кумек камунги гьез ниж толаро. Г1арцул рахъалдасаги ц1ик1к1ун нижее т1алъиялъул вакилзабазул рахъалдасан моралиябгун идеологияб кумек х1ажат бук1уна, гьелъул рахъалъ нижее к1вараб кумек гьабула районалъул нухмалъиялъ. Т1орит1изе рак1алда ругел тадбиралги нижеца гьелгун дандги ран т1орит1ула. Бокьилаан районалъул бет1ер Саг1ид Юсуповасул ц1аралдасан т1олабго районалъул нухмалъиялъе баркала кьезеги.

-Кинаб пикру бугеб дур районалъул г1олилазда хурхун? Ругищ гьел дин-исламалдеги умумузул ях1-намусалдеги данде кколеб даражаялда?

-Нилъер районалъул г1олилал кидаго рук1ана цогидазда дандеккун тарбия-лъай бугел ва рук1а-рахъине лъалеллъун. Амма г1олохъабигун дандч1вайдал бихьулеб буго гьезул г1агараб ракьалде бугеб рокьиялдеги ва цоцалъ гъункиялдеги дагьаб саву ккун бук1ин. Гьеб саву т1аса инаби буго нижер аслияб масъалаги.

-Ах1мад баркала дуе заманги батун нижехъе вач1аралъухъ, Аллагьас район цебет1еялъе х1алт1изе дуе сахлъиги бажариги кьеги. 

Гара-ч1вари гьабуна И. Мух1амадовас.

 

Просмотров: 579 | Добавил: NiGMaT | Рейтинг: 0.0/0

by NiGMaT © 2024 ВНИМАНИЕ!!! ПРИ КОПИРОВАНИИ МАТЕРИАЛОВ САЙТА, ОБЯЗАТЕЛЬНА АКТИВНАЯ ССЫЛКА НА ИСТОЧНИК!!!
Хостинг от uCoz