«…Дида вихьана гьев г1исинал лъималазул г1адин бералгун, шуршудилел к1ут1бигун, гомерилаб релъиялъул, бег1ерал ва гъваридал раг1абазул, пириялъул ц1алал кьабг1улелъулги, х1еренаб гьимигун, гьаб бич1ч1изе зах1матаб дунялалъухъ валагьулелъулги, щаялиго элегиялъулаб х1алалда пашманго дида вихьана гьев пикрабалъги г1акълудул нек1сияб ралъдалъ гъваридго вукъунги. Гьев вуго бат1и-бат1ияв. Амма кидаго гьев хут1ула г1иц1го живго жиндаго релълъаравлъун ва гьелдаго цадахъ щибаб нухалъ бат1иявлъунги. Гьесул рек1ел х1ал хехго хисула, гьеб релълъуна муг1рузул гьурмазда расандулел бакъул ч1ораздаги, варанабазул кьалал рак1алде щвезарулел муг1рузул т1огьазул халатал раг1адаздаги. Гьесул поэзиялъ рак1алде щвезарула Франциялъул импрессионистазул кьерал г1емерал суратал. Гьединаб буго гьесул т1олабго пэзия, амма жиндиего хасаб буго лирика. Щайгурелъул гьев х1ат1идаса бот1роде щвезег1ан вугелъул «хиси гьеч1ев» лирик. Поэмабазулъ, балладабазулъ, легендабазулъ, х1атта поэзиялъулаб пррозаялъулъгицин гьев гьединав вуго…»

Эдуардас Межелайтис.

Расул ХIамзатов гьавуна 1923 соналъул 8 сентябралда Дагъистаналъул халкъияв поэт ЦIадаса
ХIамзатил хъизамалда.
♦ Буйнакскиялъул педагоглъиялъул училище лъугIун хадуб Расул хIалтIана Авар театралда суфлерлъун,
Дагърадиоялда редакторлъун, «МагIарул большевик» газеталда отделалъул заведующийлъун.
♦ ВукIинесев кIудияв шагIиpac тIоцебесеб кечI хьвана 1934 соналда.
Педучилищеялда цIалулеб заманалда, Буйнакскиялда доб заманалда бахъулеб букIараб «Колхозчи»
абураб газеталда бахъана Расулил тIоцебесеб кечI. «ХIасратаб рокьиги боркьараб ццинги» абураб цIар
букIана 1943 со налда къватIибе биччараб поэтасул тIоцебесеб тIехьалда.