Автор.Р.Х1амзатов.Июнь 2017с.

Цебе к1одолъиялъул ц1ар бугел, гьанже жаниса г1адамалги дагьлъун ч1удбузде сверун ругел росаби дагьал гьеч1о маг1арухъ. Руго гьединал, нек1сияб тарихалъул г1унарал нуг1зал нилъер районалдаги. Гъорлъе раккун балагьани улкаялъулго к1варалъул масъалалъун лъугьун буго жакъа гьеб суал. Щибха ккараб, г1асрабаз умумуз г1уц1унги кьун, гьанже рахъун ирсилаз рижараб росу-ракь рехун теялъе г1илла щибдай? Гьеб суалалъе жаваб батизеян къват1иве вахъарав дун Сивухъе щун ватана.

Автор.Н.Г1алиева.Июнь 2017с.

8 июналда нилъер улкаялда к1одо гьабуна социалияв х1алт1ухъанасул къо. Щай къвариг1арал чаг1и социалиял х1алт1ухъаби? Гьел х1ажалъула жалго жидедаго ч1ун жидеего хъулухъ гьабун бажаруларел г1адамазе кумек гьабизе, гьезул х1ажалъи т1убазе. Гьединазде гьоркьоре аслияб къаг1иядаялда ккола ригь арал г1адамал.Ригь арал г1адамазе х1ажат бук1уна г1иц1го материалияб къаг1идаялъ хьезаризе гуребги, сверухъ ругезул бербалагьи, к1алъа-ралъай, ургъел бикьи, цоцада рич1ч1иги. Цониги чи жидехъе ваккизе вач1ани, гьел г1исин лъимал г1адин рохула, хасго кодоб-хъатикь жоги бугони ц1акъго разилъула. Гьебги бич1ч1ун районалъул социалияб рахъалъ г1адамал ц1униялъул централъ (ЦСОН) жигараб х1алт1и гьабула ригь арал г1адамазе, лъимал г1емерал хъизаназе, ресукъазе цебе г1адин бажарич1ониги, жидеда ч1варабниги кумек гьабизе, гьеб бажаринч1они, гьезухъе раккизег1аги ине.