Автор.И.Мух1амадов.Июнь 2016с.

19 июналда райадминистрациялда т1обит1ана администрациялъул коллегиялъул иргадулаб данделъи. Гьелда г1ахьаллъи гьабуна районалъул бет1ерас, гьесул заместителаз, администрациялъул отделазул нухмалъулез, росабазул бегавулзабаз ва цогидазги. 

16-17 июлалда Моч1охъ т1обит1ана республикаялъул муг1рузулаб территориалияб округалъул г1олилал-экологазул слет. Гьелда г1ахьаллъи гьабуна Хунзахъ, Гумбет, Болъихъ ва Ц1умада районазул школлъималаз.

Щущан руго гьанир ганчIил росаби.Р. S.ЧIагояб, рекIее асар гьабураб лъугьана ниж мухбирзабазул Уздалросдерил ракьазде сапар. Баркала буго гьезул бегавул ГIумарие нижее гьеб сапаралъулъ гьабураб кумекалъухъ. Гьесул мисалалда цойгидазги жидерго росу-ракь, гIадамал районалъул газеталъул гьурмаздасан рихьизаризе квербакъи гьабиялде хьулгун лъугIизарулел руго гьал нухлулазул хъвай-хъвагIаялги.

Автор.Ф.Мух1амадова.Июль 2016с.

Мухбирасул х1алт1улъ бищунго бергьенлъи борцунеб роценлъун рик1к1ине бегьула г1адатал г1адамалгун гьесул щибаб къойилал дандч1ваял, гьел г1умру гьабун бугел бак1азде ун, х1ал-х1укму  ц1ехон, жидерго беразда бихьаралдасан, г1иналда раг1аралдасан макъала хъвазе к1вей. Нижер г1аммаб пашманлъиялъе, районалъул журналистал къогоялдасаги ц1ик1к1ун соналъ мах1рум гьарун руго гьеб  ресалдаса – гъоркь рек1ине жалго бет1ергьанаб транспорт гьеч1олъиялъ «Росдал зах1матчи» хут1улеб буго г1иц1го цо-к1иго росдал, райцентралъул, райадминистрациялъул чапарлъун. 

Автор.П.Гунашева.Июль 2016с.

Дагьаб цебе  дица районалъул нухазул участкаялъул нухмалъулев Сайгидов Мух1амадилгун гьабураб гара-ч1вариялда, Мух1амадица бицун бук1ана Хунзахъ росулъ жаниб  къач1азе рак1алда ругел нухазул х1акъалъулъ. Гьале гьал къоязда райцентралда хъил т1ун бахъунеб буго Хунзахъ № 2  гьоркьохъеб школалда цебеса бахъараб Абулмуслим-щайхасул зияраталда цебебек1ги гъорлъе  бачун Г1акаро  тукаде цебе щвезег1ан.

Автор.И.Мух1амадов.2016с.

Гьал ахирал соназда районалъул бищунго рах1ат хвезабулеб ишлъун ккола токалъул суал. Г1адамаз х1акимзабазде рехун, х1акимзабаз г1адамазде рехун рук1уна кидаго токалъул ругел г1унгут1абиги.

Автор.И.Мух1амадов.Июль 2016с.

Дагъистаналъул тарихалда гъваридаб ва пашманаб лъалк1 тараб лъугьа-бахъинлъун ккола Кавказалъул рагъ. Гьеб рагъулъ нилъер бах1арчиял умумуз жидерго ракьги динги ц1арги ц1унулаго бихьизабуна г1ажаибаб бах1арчилъи ва къох1ехьей. Ц1акъго нилъ рохизе ва ч1ух1изе ккараб жо буго Кавказалъул рагъул бищун бах1арчиял наибзабигун рагъухъаби  нилъер районалдаса рук1ин. Гьезул тарих г1ун бач1унеб г1елалда к1очон теч1ого бук1иналъе г1оло г1емераб х1алт1и гьабулеб буго районалъул жамг1ияб г1уц1иялъ. Обществалъул х1аракаталдалъун районалда ва гьеб тун къват1ибехун зама-заманалдасан г1уц1ула г1олилазул диниябгун-рух1ияб рахъ борхизабиялъул мажлисал.  Гьединаздасан цояблъун бук1ана дагьаб цебег1ан Гиничукь т1ибит1араб мажлисги.