Автор.И.Мух1амадов.Апрель 2016с.
Исана сон республикаялда лъазабун буго «Муг1рузул сонлъун». Гьелда хурхун, нилъерго г1ун бач1унеб г1елалъги къват1иса рач1унел гьалбадерилги нилъерго г1агараб ракьалъул маданияталъулгун, тарихалъулгун, т1абиг1аталъулгун ва рук1а-рахъиналъулгун лъай-хъвай гьабизелъун, Дагъистаналъул культураялъул рукъалъ г1умруялде бахъинабулеб буго «Дир росу» абураб суратазул выставкабазул проект. Гьединаздасан цояблъун бук1ана 5 апрелалда Мах1ачхъалаялда т1обит1араб «Хунзахъ-дир росу» абураб суратазул выставка.