Автор.Н.Г1алиева.Октябрь 2015с.

«Росдал зах1матчи» газеталъул х1алт1ухъабазул г1адатлъун лъугьун буго цадахъ х1алт1улел рук1арал, коллективалдаса гьоркьоса нахъе арал х1урматиял г1адамазухъе гьезул ах1вал-х1ал ц1ехон гьоболлъухъе щвезе ин. Гьаб нухалдаги ниж ун рук1ана 25-г1ан соналъ газеталъе нухмалъи гьабурав Г1абдуразакъов Камалудин Макъсудовичасухъе Уздалросулъе. 

Автор.П.Гунашева.Октябрь 2015с.

Г1и-боц1ухъанлъиялда ругезе хасалихъе заман ккола бищунго х1алуцараб мех:  х1адурун бук1ине ккола г1ураб къадар раг1и-хералъул, г1и-боц1уца квачач1ого хасел т1амуледухъ къач1ан рук1ине ккола бокьал, унтабазде дандеч1еялъе х1ажатаб дару-сабаб гьабун, чурун бук1ине ккола г1и-боц1иги.  Жиндир заманалда, кват1изег1ан ч1еч1ого муг1руздаса хасалил муч1дузде гочинабун  бахъине ккола г1иги. Лъуг1ун бахъанин абизе бегьула нилъер районалда г1и гочиналъул кампания. Гьелъул ва  гьабсаг1аталда жаниб г1и-боц1ухъанлъиялда ругел цо-цо масъалабазул, гьарурал х1алт1абазул дие бицана районалъул ветеринарияб управлениялъул нухмалъулев  Г1амирханов Хъарачуца.

Автор.И.Мух1амадов.Октябрь 2015с.

Улкаялда бугеб зах1матаб экономикияб ах1вал-х1алги х1исабалде босун, нилъер ракьцоял сахаватчаг1аз жидерго  инвестицияздалъун квербакъулеб буго районалъул  социалиябгун спортивияб инфраструктура цебет1еялъе.  Гьедин, гьал къоязда рохалилаб ах1вал-х1алалда Г1арани рагьана Россиялъул футболалъул  союзалъул киналго т1алабазде жаваб кьолеб ц1ияб футболалъул стадион.

Автор.У.Къурамух1амадова.Октябрь 2015с.

Гьал къоязда Г1арани № 17 аптекаялъул заведующая Г1амирханова Султануца к1одо гьабулеб буго г1умруялъул гьайбатаб юбилей – 60 сон т1убай. Нилъецаги гьаризинха Султануе халатаб, талих1аб г1умру, гьабулеб ишалъулъ бит1ккей, рохел-аваданлъи, х1алт1улъ жеги ч1ах1иял бергьенлъаби.

Автор.Р.Х1амзатов.Октябрь 2015с.

19 октябралъ райадминистрациялъул данделъабазул залалда т1обит1ана «Хунзахъ район» муниципалияб районалъул депутатазул собраниялъул анлъабилеб ах1иялъул т1оцебесеб сесия. Депутатал гурелги сессиялда г1ахьаллъана районалъул ва росабазул бут1рул, райадминистрациялъул юрист, цогидал жавабиял хъулухъалъул х1алт1ухъаби.