Главная » Архив материалов
Автор.Н.Г1алиева.Ноябрь 2014с.
Баянаб бук1ахъе, нилъер г1адамазул рук1а-рахъин лъик1лъизабиялъул, гьезул г1умру берцин гьабиялъул, Дагъистан республика цебет1езабиялъул мурадалда ургъун буго 7 приоритетныяб проект. Гьеб проекталъул цояблъун кколеб «Обеление» экономики абураб кинаб къаг1идаялда г1умруялде бахъинабулеб бугебали лъазелъун нижеца хурхен ккуна районалъул администрациялъул экономикаялъул отделалъул начальник Набиева Пат1имат Мух1амадовналъулгун ва гьелъие кьуна цо чанго суал.
|
Автор.С.Х1айбулаев,Х1ариколо росдал администрациялъул бет1ер.Ноябрь 2014с.
Умумузул аби буго жамаг1аталъул газа кьурдаги рек1унин абураб. Гьеб абиялъе рит1ухъал, ккаралъуб цадахъ рахъун х1алт1улел, цоцазе кумек бугел г1адамал ратана дида Х1ариколо росдал администрациялъул бет1ерлъун вищарал т1оцересел къояздасанго к1ахъиязул жамаг1ат. Цадахъ лъугьун г1аммаб, къуваталдалъун гьаризе х1алт1абийин абуни гьенир г1езег1ан рук1ана. Масала, росу бакьулъ бугеб кьо, мажгиталъул т1ох къач1ай г1адал х1алт1аби рук1ана бищунго аслиялги рес гьеч1олъиялъ нахъ рахъун таралги. Кьодул ц1иял сакал гьарун гьеб къач1азе бук1иналъул бицен гьабидал Мах1ачхъалаялда г1умру гьабун вугев Г1абдурах1манов Мух1амадица (Маккал) т1аде босана гьелъие х1ажалъулеб г1арцул суал.
|
Автор.П.Гунашева.Ноябрь 2014с.
Зах1малъабазукьа х1инкъуларел, х1алт1уде рокьи бугел, намус-ях1 чорхолъ бессарал, г1адатиял г1адамал дандч1вай дица рик1к1уна г1умруялъул сайгъатлъун. Гьединаз цо бат1ияб ц1илъи бач1инабула жиндирго нухда унеб бугеб къойилаб г1умруялъулъ.
Дагьаб цебег1ан дир лъай-хъвай ккана интересеб берцинаб г1умруялда вугев Гьоц1алъ росулъа Гунащев Насрулагьилгун. Гьев ккола «Венера» маг1ишаталъул (КФХ) бет1ергьан.
|
Артцул Шамил Гьиматович гьавуна 1969 соналда Хунзахъ росулъ. Ц1алана Мах1ачхъалаялда № 3 гьоркьохъеб школалда. Школа лъуг1идал х1алт1изе лъугьана ремзаводалде, гьениб гьесие щвана II разрядалъул токарасул махщел. Армиялда т1адаб хъулухъги т1убазабун, х1алт1изе лъугьана вневедомственнияб охранаялда. 1990 соналда ц1ализе лъугьана ДГУялъул юридикияб факультеталде. 3 курсалда заочноги босун, х1алт1изе лъугьана Мах1ачхъалаялъул Советский районалъул следственнияб отделалде.
|
20 ноябралъ Гьоц1алъ гьоркьохъеб школалда т1обит1ана г1емерал соназ гьелъие нухмалъи гьабурав Дагъистаналъул ва РСФСРалъул мустах1икъав учитель Гьиматов Шапиг1 Мух1амадович гьавуралдаса 100 сон т1убаялъул х1арматалда гьев рак1алде щвезавиялъул юбилеялъулаб данделъи.
|
Автор.П.Гунашева.Ноябрь 2014с.
10 ноябралдаса нахъе райцентралда х1алт1изе лъугьана ц1ияб г1емеррахъазулаб г1уц1и (МФЦ). МФЦялъул х1алт1ул аслияб хаслъи ккола – гьеб «цогояб гордо» абураб къаг1идаялда х1алт1улеб бук1ин. Гьанжелъаг1ан щиб х1алт1и гьабулеб бук1аниги, кинаб документ х1ажалъаниги къвариг1арал кагътазда, справкабазда хадуб бат1и-бат1иял учреждениязде чанго нухалъ ине кколел рук1ун ратани, гьанжеялдаса нахъе къвариг1ел т1убазелъун цох1о МФЦялде ани г1ола. Нилъее х1ажатал документал, справкаби ва гь. ц. МФЦялъул специалистаз жидецаго данде рак1арун, кинабго х1адур гьабун нилъехъе кьола. Гьелъул к1удияб санаг1алъи бук1ина г1исинал лъимал ругел, ц1ик1к1араб ригьалъул, рик1к1адал росабалъа рач1ине кколел ва гь.ц. г1адамазе.
|
Ле, баракатаб дир халкъ, г1инт1аме дир гьаялъухъ!
-Рац1адал иццаздалъун, рекьулел ракьаздалъун, рик1к1ен г1емерал рехъабаздалъун гьедула-дун кидаго вук1инаро къарумавлъун;
-багьадурал узденазул мал-мулкалдалъун, жеги мунагь-хат1аб лъаларел гьезул лъималазул ц1аралдалъун гьедула-дица лъиениги ч1ух1и гьабизе гьеч1о;
-Рагъухъанасул къадруялдалъун гьедула-дун х1инкъаравлъун вук1инаро.
-Рорхатал муг1руздалъун, гъваридал ралъадаздалъун гьедула, дица нуж г1одорег1ан гьарун, диего т1адег1анлъи гьабиларо.
- Дир эбелалъул берзул балаялдалъун, дун хьихьаралъул каранзул рахьалдалъун, дида хадуб т1ураб маг1уялдалъун гьедула-дун вах1шиявлъун вук1инаро;
-Мукъадисаб Къуръаналдалъун, Т1адег1анав Аллагьасул ц1араздалъун гьедула рак1бац1ц1адавлъун вук1ине;
-Ц1ар арал умумузул, дир улкаялъул г1ун бач1унеб г1елалъул ц1аралдалъун гьедула дирго халкъалъул т1алаб гьабилилан;
-Рокьул балъголъиялдалъун, дирго рак1алдалъун гьедула чорокаб-къабих1алдаса рик1к1ад ч1езе;
-Пикрудал борхалъудалъун, яргъил гучалдалъун гьедула, зулмучилъун, рагъул кор боркьулевлъун вук1инаро.
-Нуцаласул ц1аралдалъун, хунздерил бечелъиялдалъун гьедула, дирго гьудул-гьалмагълъиялъе, пикруцоязе хиянатлъиларилан;
-Таваккалаб рух1алдалъун, г1акъиллъиялъул хазинабаздалъун гьедула дир умумул, гьезулги умумулго г1адин к1алухъ рух1 бук1аго тушманасде данде вагъизе.
-Дунявиябги ахираталъул г1умруялх1аги дун вук1ина нужее лъик1ав х1акимлъун;
-Дирго тахалдалъун гьедула-угъращал къажараздаса къисас босила.
|
Автор.Таржама гьабуна Пат1имат Гунашевалъ.Ноябрь 2014с.
Дица кидаго рик1к1унаан, къисматалъ инсанасе кьураб квер г1ат1идаб сайгъат кколин г1адамасул бищун лъик1ал, т1адег1анал хасиятал жиндилъ ругев, цойгидазда релълъинч1ев, къанаг1атав инсанасулгун лъай-хъвай, гьоркьоблъи, хурхен гьабизе щвейилан. Г1умруялъул нухда кидаго гуро рек1елъ гъваридаб, нилъ х1икмалъизарулеб лъалк1 толел г1адамал дандч1валел. Амма, гьеле гьединав гвангъарав инсанлъун вук1ана Шамхалов Шагьрудин Мух1амадович.
|
Хунзахъ муниципалияб районалъул администрациялъул бет1ер Саг1ид Юсупов.
Шагьрудин Шамхалов вук1ана жиндир заманалъул гвангъараб ц1валъун, цогидаздаса машгьуравлъун. Гьесие хасиятаб бук1ана т1ок1 борч1араб г1акълу-лъайги, г1адатлъиги, рит1ухълъиги, къокъидго к1олаан г1адамазулгун раг1и данде ккезабизеги жиндирго сверулъе гьел ц1азеги. Шагьрудин вук1ана къадруялъ, х1алт1уде гъира ц1ик1к1арав пачалихъияв г1уц1арухъан ва х1аракатчи. Гьев вук1ана обкомалъул секретарлъун, Дагъсовнархозалъул председательлъун, совминалъул председателасул т1оцевесев заместительлъун, Верховный Советалъул Президиумалъул председательлъун. РСФСРалъул Верховный Советалъул Президиумалъул членлъун, хадуб гьебго т1адег1анаб идараялъул председателасул заместительлъунги вук1ана Шамхалов. Кинаб хъулухъ-ишалда вук1аниги Шагьрудин Мух1амадович хут1ана киназего рагьаравлъун, г1адатиявлъун, г1иц1го бидулъго батараб г1уц1арухъанлъиялъулаб х1аракаталъ ват1а вахъулевлъун.
|
Районалъул социалиябгун экономикияб цебет1еялъулъ хасаб бак1 ккола лъай кьеялъул учрежденияз. Т1олабго улкаялдаго г1адин, нилъер районалдаги соналдаса соналде ц1ик1к1араб к1вар кьолеб буго лъай кьеялъул даража борхизабиялде. Лъай кьеялъулъ х1алт1изарулел руго ц1и-ц1иял инновациялъулал къаг1идаби, технологиял.
|
Автор.И.Мух1амадов.Ноябрь 2014с.
«Абуна-гьабуна!» абураб ах1иялда гъоркь гьале лъаг1елалдасаги ц1ик1к1араб заманаялъ х1алт1и цебехун бачунеб буго Дагъистан Республикаялъул бет1ер Рамазан х1ажимурадович Г1абдулат1иповас.
Г1адатаб халкъалъул г1умру-яшав лъик1лъизабиялъе к1вар ц1ик1к1араб 7 проект билълъанхъизабулеб буго республикаялъул нухмалъулес. Лъик1аб рахъалдехун халлъулел хиса-басиял лъугьунел руго экономикаялда, сахлъи ц1униялда, лъай кьеялда, маданияталда ва гь.ц. социалиял бут1абазда. Г1абдулат1иповасул политикаялъул нух ккурав вуго нилъер районалъул бет1ер Саг1ид Юсуповги.
Гьабураб х1алт1ул х1асил бихьун, гьал г1агарал къояз Дагъистаналъул Бет1ерасул указалдалъун, Муг1рузул зхонаялда гьоркьоб бак1алъулаб нухмалъиялъул бищун рахъи кьураблъун рик1к1ана Хунзахъ районалъул т1алъиялъул (власталъул) х1алт1и. ва районалъул нухмалъи мустах1икълъана 1.484 азарго гъурщил гранталъе. Бергьенлъаби т1аса унгеги районалдаса! Амин.
|
Районалъул экономикаялъул кьуч1лъун кколеб росдал маг1ишат цебет1езабиялда, гьелъул ниг1матал г1езариялда нилъер район г1иц1го Дагъистаналда гуребги, СССРалдаго машгьураб бук1ана. Гьава-бакъалъул лъик1ал шарт1ал ккараб, бач1ин гьарзаял 1970-80 абилел соназ т1ат1алаго 1979-81 соназ г1и-боц1ухъанлъиялдагун хурухъанлъиялда росарал ч1ах1иял бергьенлъабазе г1оло район мустах1икълъун бук1ана КПССалъул ЦКялъул, СССРалъул Министрзабазул Советалъул, ВЦСПСалъул ва ВЛКСМалъул ЦКялъул хьвадулеб Баг1арал Байрахъазе.
|
Автор.П.Гунашева.Ноябрь 2014с.
Нилъер районалда кидаго церет1урал рук1ана маданиятги адабиятги, рук1ана к1алзул гьунаралъул, кеч1-бакъаналъул устарзабиги. Бищун цебе маг1арулаз театралъе кьуч1 лъуна нилъер районалда. 1925 соналъул 11 сентябралда бахъараб «Баг1араб Дагъистан» газеталда хъван бук1ана г1олилаз бихьизабураб спектаклялъул. Хадусел соназда театралияб искусство цебет1езе лъугьана районалда.
|
Автор.Р.Х1амзатов.Ноябрь 2014с.
Дол рук1ана улкаялда совнархозазе х1алт1уе кинабго рахъалъан г1ат1идал ресал кьураб, гьезул х1аракаталдалъун бак1азда промышленностги, культураги, сахлъи ц1униги, лъай кьейги – кинабго т1егьан бач1унел араб г1асруялъул лъабкъоабилел сонал. Дагъистаналъул совнархозалъул председательлъун вук1арав Шагьрудин Шамхаловасда республикаялда гьарулел ч1ах1иял х1алт1абазулъе г1агараб район ккезабизеги к1очон батич1о доб мехалъ. Гьедин 1962 соналъ Хунзахъ кьуч1 лъуна районалъул гьанжесеб культураялъул к1алг1аялъе.
|
Харабазул т1алаб-агъазалда.
Социалияб рахъалъ ц1унич1ел хъизамазул кумекчаг1и.
Г1адамал х1алт1уда хьезари.
Пенсиял заманалда щола.
Социалияб кумек дурусго.
Ракъазулгун мал-мулкалъул иш рук1алиде ккезелъун.
Налогал рак1ари роц1ун буго.
Бук1инеселъе тарих ц1унулел.
Улкаялъул божараб къолден.
Г1адамазул парахалъиялъул хъаравуллъуда
|
« 1 2 ... 55 56 57 58 59 ... 84 85 » |